Azərbaycan Respublikasının 04.03.2016-cı il tarixli, №158-VQD “Azərbaycan Respublikasının “Dövlət satınalmaları haqqında” Qanununa dəyişikliklərin edilməsi haqqında” Qanununa əsasən, qida məhsullarının satınalması (Dövlət taxıl fondu üçün satın alınan buğda istisna olmaqla) mərkəzləşdirilmiş qaydada həyata keçirilir.

Qida məhsullarının mərkəzləşdirilmiş satınalması Azərbaycan Respublikasının Prezidentinin 11.04.2016-cı il tarixli, №859 Əmrinə müvafiq olaraq, dövlət müəssisələri və təşkilatları tərəfindən dövlət vəsaitləri hesabına həyata keçirilir.

Qida məhsullarının dövlət satınalması Azərbaycanın dövlət müəssisələri və təşkilatlarının qida tələbatının təmin edilməsi məqsədilə həyata keçirilir. Müvafiq ticarət əməliyyatlarını Azərbaycan Respublikası Kənd Təsərrüfatı Nazirliyinin tabeliyində olan “Aqrar tədarük” ASC şirkəti aparır.

Azərbaycanın dövlət müəssisələri və təşkilatlarının tələbatları üçün qida və digər məhsulların satınalması məqsədilə keçirilən tenderlər haqqında elanlar https://etender.gov.az/procurement-plan web-portalında yerləşdirilir.