Yardımın təhvil verilməsi mərasimi Ukrayna FHDX-nin rəhbəri Andriy Danik və Ukraynanın Azərbaycan Respublikasındakı Fövqəladə və Səlahiyyətli Səfiri Yuriy Husyev iştirakı ilə baş tutmuşdur.

“İnsanların həyatını xilas etdiyinizə görə bütün xilasedicilərə təşəkkür edirik! İsitdiyinizə və işığın bərpasına kömək etdiyinizə görə təşəkkür edirik. Azərbaycanlı qeyri-biganə insanlar və təşkilatlar tərəfindən göstərilən və buna görə dərin minnətdarlığımızı bildirdiyimiz bu yardım Ukraynanın xarici işlər naziri Andriy Sıbihanın  “Ukrayna üçün istilik” qlobal təşəbbüsü çərçivəsində cəlb olunmuşdur və bu çətin dövrdə Ukraynaya həmrəyliyin növbəti mühüm təzahürüdür”, — deyə cənab səfir vurğulamışdır.

Öz növbəsində FHDX rəhbəri genişmiqyaslı müharibənin çətin dövründə Ukraynaya göstərilən dəstəyə və köməyə görə Azərbaycan Respublikasının xalqına və hökumətinə səmimi təşəkkürünü bildirmişdir.

“Bu vaxtında və zəruri yardım üçün ürəkdən təşəkkür edirik! Təqdim olunan avadanlıq xilasedicilərimizin gündəlik fəaliyyəti üçün son dərəcə böyük əhəmiyyət daşıyır və vətəndaşların həyat və təhlükəsizliyinin daha effektiv qorunmasına kömək edəcək”, — deyə Andriy Danik qeyd etmişdir.

Bundan əlavə, tərəflər Ukrayna ilə Azərbaycan Respublikası arasında mülki müdafiə və fövqəladə hallara reaksiya sahəsində gələcək əməkdaşlığın mümkün istiqamətlərini müzakirə etmişlər.