İrpin icması elektrik enerjisinin kəsilməsi zamanı fasiləsiz su təchizatını təmin edəcək generatorlar və “İrpinvodokanal” kommunal müəssisəsi üçün avtomatik ehtiyat qoşulma sistemi (ATS) əldə edib.

Avadanlıq Ukraynanın xarici işlər naziri Andriy Sıbihanın təşəbbüsü ilə başladılan “Ukrayna üçün istilik” — #WarmthforUkraine təşəbbüsü çərçivəsində Azərbaycan Respublikasının təşkilatları və laqeyd qalmayan vətəndaşları tərəfindən təqdim olunub.

Enerji avadanlığının təhvil verilməsi Ukraynanın Azərbaycandakı səfiri Yuriy Husyev, Kiyev vilayət hərbi administrasiyasının rəhbəri Mikola Kalaşnik və Azərbaycanın Ukraynadakı səfiri Seymur Mərdaliyevin iştirakı ilə baş tutub.

Səfir Yuriy Husyev azərbaycanlı həmkarı və Kiyev vilayətinin rəhbərliyi ilə Azərbaycan Respublikası ilə əməkdaşlığın dərinləşdirilməsini müzakirə edib, həmçinin Ukraynaya göstərilən ardıcıl dəstəyə, həmrəyliyə və xüsusilə Kiyev vilayətinin İrpin icmasının aldığı mühüm yardıma görə Azərbaycana təşəkkürünü bildirib.