“Ən azı 21 dinc sakin qətlə yetirilib və iyirmidən çox insan yaralanıb. Bu, Donetsk vilayətinin Yarova qəsəbəsində pensiya almaq üçün növbədə dayanan sadə insanlara qarşı Rusiya aviasiya bombasının birbaşa barbarcasına zərbəsinin nəticəsidir.

Bu dəhşətli cinayət qlobal qınama və qətiyyətli tədbirlər tələb edir. Biz dünyanı dərhal söz deməyə və hərəkətə keçməyə çağırırıq. Avropa tərəfdaşlarımızı, Amerika Birləşmiş Ştatlarını, G20 üzvlərini və insan həyatını və BMT Nizamnaməsini dəyərli bilən hər kəsi tədbirlər görməyə dəvət edirik. Biz artıq bütün tərəfdaşlarımızı və beynəlxalq təşkilatları bu dəhşətli cinayətin təfərrüatları barədə məlumatlandırırıq və güclü reaksiya gözləyirik. Rusiya cinayətkarları bu və digər vəhşiliklərə görə məsuliyyət daşımalıdır.

Rusiya təbliğatı Donetsk vilayətində guya insanları “xilas etdiyini” iddia edir, amma əslində pensiya almaq üçün gəlmiş dinc sakinlərin üzərinə kütləvi aviasiya bombaları atır. Rusiya yalnız ölüm, dəhşət və dağıntı gətirir.

Kollektiv və qətiyyətli tədbirlər, xüsusilə dağıdıcı sanksiya təzyiqi, həmçinin Ukraynanın müdafiəsinə və dayanıqlığına əlavə dəstək rus terrorunu dayandıra bilər və dayandırmalıdır.”

Ukrayna Xarici İşlər Nazirliyinin tapşırığı ilə bütün Ukrayna diplomatik nümayəndəliklərində Matəm Kitabı açılır və bayraqlar endirilir. Öz başsağlığınızı səfirliyin rəsmi elektron ünvanına göndərə bilərsiniz: [email protected]