Akademiyanın rektor vəzifəsini icra edən Vuqar Sadıqov ilə Ukraynanın ali təhsil müəssisələri ilə əməkdaşlıq yolları müzakirə olundu. Xüsusilə Xerson Dövlət Dəniz Akademiyası ilə əməkdaşlığın qurulmasına xüsusi diqqət ayrıldı.
Tərəflər, həmçinin, Ukrayna və Azərbaycan Respublikası arasında dəniz təhsili sahəsində əməkdaşlığın inkişafına töhfə verəcək birgə konfransların keçirilməsi, tələbə və müəllim mübadiləsi, ikili diplom proqramlarının tətbiqi və digər təşəbbüslərə maraq göstərdiklərini vurğuladılar.
Bundan əlavə, Səfir akademiyanın tədris-maddi bazası və muzeyi ilə tanış oldu. Tərəflər gələcək əməkdaşlığın inkişafı məqsədilə əlaqələri davam etdirmək barədə razılığa gəldilər.
Görüşdə Azərbaycan Respublikasının Milli Məclisində Azərbaycan-Ukrayna parlamentlərarası dostluq qrupunun rəhbəri Əlibala Məhərrəmzadə iştirak edib.