Təcavüzkar bütün Ukrayna ərazisində enerji infrastrukturu obyektlərinə qarşı raket-bomba silahlarından və “Shahed” tipli PUA-lardan istifadə etməkdə davam edir, bunun nəticəsində 23 may 2024-cü il tarixinə olan vəziyyətə görə Ukrayna enerji sistemi 8 GVt manevr elektrik enerjisini (istilik və su elektrik stansiyası) itirmişdir.

Düşmən ümumilikdə 510 mindən çox şəxsi heyətə, o cümlədən 12 min vahid ağır silaha malik olan birləşmiş qoşun qrupunun qüvvələri tərəfindən bütün istiqamətlərdə hücum hərəkətləri həyata keçirir.

Təcavüzkar ölkə bu qüvvələrlə Donetsk və Luqansk vilayətlərinin inzibati sərhədlərinə çatmaq və daxili siyasi qeyri-stabillik yaratmaq məqsədi ilə Ukraynanın yeni ərazilərini zəbt etməyə çalışır.

Bu günə olan məlumata görə, Rusiya qoşunlarının ən böyük fəallığı 60 km-lik hissədə - həftə ərzində 200-dən çox döyüş toqquşmasının qeydə alındığı Donetsk vilayətinin Pokrovski, Kramatorsk və Kuraxiv istiqamətlərində müşahidə olunur. Bundan əlavə, bu istiqamətdə düşmən tərəfindən “FPV-dronlarından” istifadənin artması müşahidə olunur ki, onların zərbələri digərləri ilə yanaşı, mülki şəxslərin olduğu evakuasiya maşınlarına da düşür.

Döyüş əməliyyatlarının digər sahələrində əməliyyat şəraiti düşmənin çoxsaylı quru və hava hücumları ilə xarakterizə olunur. Vəziyyət şəxsi heyət baxımından düşmənin çoxsaylı say üstünlüyü və hücum hərəkətlərini dəstəkləmək üçün idarə olunan aviasiya bombalarından istifadə etməklə çətinləşir.

Xarkov vilayətində hücumda uğursuzluğa düçar olan Rusiya işğalçı qüvvələri göstərilən taktiki istiqamətdə Ukraynanın yaşayış məntəqələrinin bütün mülki infrastrukturunun tamamilə məhv edilməsindən, ehtiyatsızlıqdan çoxsaylı artilleriya və havadan zərbələr endirməkdən ibarət ənənəvi müharibə aparmaq taktikasına keçdilər. Buna misal kimi Rusiya-Ukrayna sərhədinə yaxın ərazidə yerləşən Xarkov vilayətinin Vovçansk şəhərində (2020-ci ildə 17 min sakin) 2 həftədən az müddətdə dağıdılan şəhəri göstərmək olar.

Ukraynanın Vovçansk şəhərinin 100-ə yaxın sakini hərbi əməliyyatlar zonasından çıxa bilmir, rus işğalçıları onları atəşə tutulmaqla hədələyir:

• Ruslar Ukraynaya öldürmək, dağıtmaq, qarət etmək niyyəti ilə gəliblər. Bunlar ukraynafobiya və cəzasızlıq təbliğatına yoluxmuş işğalçılardır.
•  Xarkov vilayətinin şimalındakı işğalçılar 2022-ci ildə qaçmazdan əvvəl burada törətdikləri cinayətləri təkrarlayırlar. İnsanlar bu dəhşətləri xatırlayır və onların təkrarlanmasından qorxurlar.
•  Xarkov vilayətinin hərbi administrasiyası mülki əhalinin döyüş bölgəsindən çıxarılmasını təşkil edib. Ümumilikdə 10 mindən çox insan təhlükəsiz yerə daşınıb.
• Təəssüf ki, evakuasiya oluna bilməyən Vovçansk sakinləri işğalçılar tərəfindən girov götürülüb. Ukrayna hava kəşfiyyatı qətl, xüsusən də əlilliyi olan şəxsləriin qətl faktlarını, qeydə alır.
• İtkin düşmüş sakinlərin taleyi müəyyənləşdirilir, müvəqqəti işğal olunmuş əraziyə düşmüş şəxslərin xilas edilməsi planları hazırlanır.