13-14 iyul tarixində Ukraynanın Azərbaycandakı Səfiri Vladyslav Kanevskyi Qoşulmama Hərəkatının orta müddətli Nazirlər konfransında Ukraynanı təmsil etmişdir.

Öz çıxışında Səfir qeyd etmişdir ki, son iki il dünya ölkələri üçün müəyyən sınaq xarakteri daşımışdır. Bu kontekstdə, Qoşulmama hərəkatı cari qlobal problemlərə, o cümlədən COVID-19 pandemiyası ilə bağlı məsələlərə müxtəlif baxışların təqdim edilməsi üçün vacib və dinamik platformadır. 

Ukraynada narahatçılıq yaradan digər vacib məsələ isə Rusiya Federasiyasının işğalı şəraitində gün gündən daha da kəskinləşən Krım MR insan haqları ilə bağlı məsələsidir. 

Kremlin cinayətkar siyasətinin praktiki fəsadları bunlardır: Məclisin (Krım tatarlarının təmsilçi orqanı) qadağan edilməsi, Ukraynalıların və Krım tatarlarının milli mənsubiyyətinə görə təqib edilməsi, şəxsin özünü Ukrayna ilə assosiasiya etdiyi üçün ona dair siyasi motivli cinayət işlərinin açılması. 

Bu kontekstdə Krım MR işğaldan azad edilməsi üzrə vacib vasitə beynəlxalq mexanizm olan Krım platformasıdır ki, o, Krım yarımadasının azad edilməsi yolunda beynəlxalq ictimaiyyətin səylərini və resurslarını birləşdirəcəkdir. 

Bununla əlaqədar olaraq, Səfir Kanevskyi Ukrayna Krımının işğaldan azad edilməsi məsələsinin diplomatik yolla həll olunması üçün Qoşulmama hərəkatının üzv-dövlətlərini Krım platformasına qoşulmağa səslədi.