Bu gün rusiyanın Ukraynaya genişmiqyaslı işğalının başlamasından 1000 gün və rusiya təcavüzünün 3925 günüdür. Bu gün Ukraynanın Azərbaycan Respublikasındakı Səfirliyinin əməkdaşları həlak olmuş Qəhrəmanların xatirəsini bir dəqiqəlik sükutla yad edib, Xatirə divarı önünə gül dəstələri düzüblər. Biz Ukraynada azadlıq, müstəqillik və ədalətli sülh uğrunda canlarından keçən hər kəsi yad edir və onların qarşısında baş
əyirik.
Ukraynanın COP29-da səsi
Həmçinin, BMT-nin 29-cu İqlim Dəyişikliyi Konfransı (COP29) çərçivəsində Ukrayna icmalarının nümayəndələri ədalət və sülh naminə çıxış ediblər. Onlar əllərində “Just Peace”, “Stop War" və “Bring Kids Back" şüarları yazılmış plakatlar qaldırıblar. Sonuncu xüsusilə müharibənin ən ağrılı mövzularından birinə - ukraynalı uşaqların Rusiyaya məcburi deportasiyasına diqqət çəkir.
Kömək edən, dəstək olan, xalqımızla həmrəylik ifadə edən, müharibəni dayandırmaq və uşaqlarımızı evə qaytarmaq üçün dünyanı birləşməyə çağıran hər kəsə təşəkkür edirik. Ukrayna azadlıq, həyat və ədalətli sülh uğrunda mübarizəni davam etdirir!
Yaşasın Ukrayna!