21 noyabr 2021-ci il tarixində Ukraynada Ləyaqət və Azadlıq Günü qeyd olunur. Bu gün, doqquz illik fasilə ilə müasir Ukraynada iki taleyüklü hadisə baş verdi: 2004-cü ilin Narıncı İnqilabı və 2013-cü ilin Ləyaqət İnqilabı.

Ləyaqət və Azadlıq Günü təqvimdə nəinki yaddaqalan tarixdir, o, Ukraynanın demokratik dövlət quruculuğu ideallarına və prinsiplərinə, azadlıq ideyalarına sadiqliyini simvollaşdırır. Ləyaqət və Azadlıq Gününə həsr olunmuş tədbirlər Ukrayna dövlətinin formalaşmasının əsas məqamlarından biri, xalqın birləşməsi əlaməti və ictimai şüurun dərin dəyişikliklərinin təcəssümüdür.

Ləyaqət İnqilabı sayəsində Ukrayna sivilizasiya seçimi, demokratiyaya doğru hərəkət, totalitar və misantrop kommunist keçmişinin qalıqlarından təmizlənməyə dair yeni şans əldə etdi. 

Lakin Narıncı inqilab hadisələrindən fərqli olaraq, 2013-2014-cü ilin qışında öz ləyaqətini və azadlığını müdafiə etmək Ukraynaya bir çox vətənpərvərlərin həyatı və sağlamlığı bahasına başa gəldi. Səma Yüzlüyü Qəhrəmanları bizim qəlbimizdə əbədi qalacaq - Ukraynanın daha yaxşı gələcəyi üçün canlarını verən etirazçılar illər sonra məhz belə adlandırıldılar.

Bu hadisələr Ukraynanı və ukraynalıları dəyişdi. Biz ləyaqət və azadlıq prinsiplərini birləşdirə və müdafiə edə bildik və Rusiyanın yeddi ildir ki davam edən hərbi təcavüzü kontekstində seçdiyimiz dəyərləri müdafiə etməyə davam edirik.