Ukraynanın Azərbaycandakı Səfiri Vladyslav Kanevskyi Baku Heydar Aliyev Airport Azərbaycan KİV nümayəndələri üçün brifinq keçirib. Buradan RF-nin Ukraynaya tam miqyaslı işğalı başladığı ilk günlərdən daimi olaraq humanitar yüklərin Ukraynaya göndərilməsi həyata keçirilir. Bu gün Silk Way Airlines aviaşirkətinin artıq səkkizinci nəqliyyat təyyarəsi dərman və uzunmüddətli qida məhsulları ilə ölkəmizə uçub. 

Azərbaycan şəhərləri də humanitar yardımın göstərilməsinə qoşulmağa başladı. Bu gün belə bir şəhər Ukraynanın Çerkassı ilə çoxillik, səmimi qardaşlıq münasibətləri olan Sumqayıt oldu. Səfirin qeyd etdiyi kimi, bu təşəbbüs Azərbaycanın digər şəhərləri, o cümlədən iki ölkənin regionları arasında sıx əməkdaşlığın inkişafı çərçivəsində yaxşı nümunə olacaq.

Göstərilən yardım getdikcə daha çox Ukrayna xalqını, tariximizi və adət-ənənələrimizi məhv etmək istəyən təcavüzkarın hədəfinə çevrilən Ukraynanın dinc sakinləri üçün çox vacibdir. Bu gün hər bir ukraynalı anlayır ki, biz döyüşü dayandırsaq, Ukrayna dünya xəritəsindən silinəcək. Ona görə də biz dostlarımızın və tərəfdaşlarımızın köməyini yüksək qiymətləndirir, Ukrayna ordusuna, Ukrayna xalqına, qələbəmizə və Ukrayna və Azərbaycan xalqları arasında dostluğa inanırıq.

Dəstək və köməyə görə Azərbaycan Respublikasının rəhbərliyinə, Sumqayıt şəhər İcra Hakimiyyətinə, eləcə də bütün Azərbaycan xalqına təşəkkür edirik. Yaşasın Ukrayna! Yaşasın Azərbaycan!