Rusiya-Ukrayna müharibəsi hazırda Azərbaycan Respublikasının paytaxtında keçirilən “Qlobal dünya nizamına təhdidlər” adlı IX Bakı Qlobal Forumunun aparıcı mövzusuna çevrilib.

Beynəlxalq Nizami Gəncəvi  Mərkəzinin təşkilatçılığı ilə keçirilən tədbirdə indiki və sabiq dövlət və hökumət başçıları, ekspertlər, beynəlxalq təşkilatların nümayəndələri iştirak edirlər.

Forumun təntənəli açılışında Azərbaycan Respublikasının Prezidenti İlham Əliyev iştirak edib. O, öz çıxışında müasir tendensiyalara və qlobal dünya düzəninə təhdidlərə cavab verən təhlükəsizlik arxitekturasının qurulması üçün beynəlxalq ictimaiyyət tərəfindən kompleks tədbirlərin görülməsinin vacibliyini vurğulayıb.

Daha sonra Rusiya-Ukrayna müharibəsinə həsr olunmuş panel müzakirəsi keçirilib. Tematik müzakirədə Ukrayna, Latviya və Xorvatiyanın keçmiş prezidentləri, həmçinin Ukraynanın birinci xanımı (2005-2010) Katerina Yuşenko iştirak edib.

Müzakirə iştirakçıları çıxışlarında qeyd ediblər ki, kremlin Ukraynaya qarşı işğalçı siyasəti ukraynalıların kütləvi şəkildə məhv edilməsinə, milli dövlətçiliyimizin ləğvinə yönəlib.

Vurğulanıb ki, Rusiyanın Ukraynada törətdiyi cinayətlərə görə cəzasız qalması kremli həm Ukraynada, həm də başqa ölkələrdə yeni cinayətlər törətməyə sövq edəcək. Bu baxımdan rf-ni çəkindirmək üçün yeganə təsirli vasitə beynəlxalq ictimaiyyətin Ukraynaya dəstək səylərini birləşdirməkdir.