Müharibə ölüm, dağıntı, doğma insanların iztirabı deməkdir. Son səkkiz ay ərzində bir çox ukraynalı ailələr rusiyanın Ukraynaya qarşı apardığı müharibənin bütün dəhşətlərini yaşayıb.

Bu gün Bakıda “The Fog of War” müasir incəsənət sərgisi ukraynalı Mariya Kulikovskayanın ifasında açıq səma altında simvolik və emosional improvizasiya tamaşası ilə açılıb.

rusiyanın ukraynalılara qarşı törətdiyi dəhşətli cinayətləri əks etdirən "qara obelisk" və ya "rüsvayçılıq obeliski" Ukraynalı Nikita Kadanın sənət əsərinə çevrilmişdir.

Sərginin “Ukrayna” hissəsinin digər elementi Azovstal müdafiəçilərinin fotoları ilə tanınan Dmitriy Kozatskinin fotoşəkillərinin təqdimatı olmuşdur.

Sərgi Goethe-Zentrum Baku, Avropa İttifaqının Azərbaycan Respublikasındakı Nümayəndəliyi və Kapellhaus və PlatformArt-ın dəstəyi ilə təşkil olunub. Burada Azərbaycan, Qazaxıstan, Nigeriya, Almaniya və Norveç rəssamlarının əsərləri təqdim olunur.

Xeyir mütləq şərə qalib gələcək!