Səfər, İrpin şəhərinin işğaldan azad edilməsinin ilk günlərindən etibarən onun bərpasında fəal iştirak edən və Ukraynaya dəstək məqsədilə mühüm humanitar təşəbbüslər həyata keçirən SOCAR şirkətinin dəvəti ilə təşkil olunub.

Azərbaycanda olduqları müddətdə ukraynalı məktəblilər Bakı, Qəbələ, Şəki və Zaqatala şəhərlərini ziyarət edəcək, ölkənin zəngin mədəni irsi, ənənələri və müasir inkişafı ilə yaxından tanış olacaqlar.

Bu cür təşəbbüslər Ukrayna və Azərbaycan arasında dostluq əlaqələrinin möhkəmləndirilməsinə mühüm töhfə verir, eyni zamanda ukraynalı uşaqlar üçün inkişaf, istirahət və mədəniyyətlərarası ünsiyyət baxımından yeni imkanlar yaradır.

Ukraynanın Azərbaycandakı Səfiri Yuriy Husyev Ukraynaya göstərilən dəstəyə və ukraynalı uşaqlara göstərilən qayğıya görə SOCAR şirkətinə və Azərbaycan tərəfdaşlarına səmimi təşəkkürünü bildirib.