Tərəflər Ukrayna Prezidenti Volodimir Zelenski ilə Azərbaycan Prezidenti İlham Əliyev arasında energetika sahəsində əməkdaşlığa dair əldə olunmuş razılaşmaların həyata keçirilməsini müzakirə ediblər.

Enerji daşıyıcılarının nəqli marşrutlarının inkişafı, xüsusilə də Ukrayna infrastrukturundan istifadə etməklə Avropa İttifaqı ölkələrinə çatdırılması məsələlərinə ayrıca diqqət yetirilib. Ötən il Azərbaycan qazının Ukraynaya ilk sınaq tədarükü Trans-Balkan marşrutunun praktiki potensialını və onun regional enerji təhlükəsizliyi üçün əhəmiyyətini təsdiqləyib. Tərəflər uzunmüddətli tərəfdaşlığın genişləndirilməsində maraqlı olduqlarını bildiriblər.

Rusiya hücumları nəticəsində zərər görmüş Ukrayna enerji infrastrukturunun bərpası və dayanıqlılığının artırılması məsələləri də müzakirə olunub. Azərbaycan biznesi Ukrayna layihələrinə investisiya yatırmağa hazırdır.

“Azərbaycanın ukraynalı müdafiəçilərin uşaqlarının sağlamlığının bərpasına göstərdiyi dəstəyi yüksək qiymətləndiririk. Həlak olmuş energetiklərin uşaqlarının da bu proqramdan faydalanması imkanını müzakirə etdik. Hökumətlərarası komissiyanın həmsədrləri olaraq cənab Şahbazovla bu ilin payızında Ukraynada komissiyanın növbəti iclasını keçirmək barədə razılığa gəldik.

Müzakirə olunan məsələlər arasında bərə daşımalarının inkişafı, ərzaq məhsulları üzrə ticarətin genişləndirilməsi, təhsil və elm sahəsində əməkdaşlıq, innovasiya və texnologiyaların birgə inkişafı da yer alıb.

Azərbaycanın Ukraynanın enerji sektoruna ardıcıl dəstəyinə, xüsusilə transformatorların təqdim edilməsinə görə minnətdarıq. Təqdim olunan avadanlıq və humanitar yardım energetiklərimizin ən çətin dövrlərdə fəaliyyətini davam etdirməsinə kömək edib”, – deyə Ukrayna Energetika Nazirliyinin rəhbəri bildirib