17 iyun 2021-ci il tarixində video-konfrans rejimində energetika sahəsində əməkdaşlıq məsələləri üzrə Ukrayna-Azərbaycan işçi qrupunun 5-cü iclası baş tutmuşdur.

İclas Ukraynanın Energetika Nazirinin müavini Y.Demçenkov və Azərbaycan Respublikasının Energetika Nazirinin müavini K.Abbasovun sədrliyi ilə keçib.

Tərəflər energetika sahəsində Ukrayna-Azərbaycan əməkdaşlığının inkişafı ilə bağlı məsələlərdə ikitərəfli əməkdaşlıq və qarşılıqlı anlaşma səviyyəsini yüksək dəyərləndiriblər.

İclasda aşağıdakılara dair razılıq əldə edilib:

- Neft nəqli sahəsində layihələrin həyata keçirilməsi çərçivəsində qarşılıqlı əlaqələrin davam etdirilməsi;

- Ukraynada SOCAR-ın fəaliyyətinin diversifikasiyası və Azərbaycan şirkətlərinin neft məhsulları bazarında iştirakının artırılması;

- Neft-qaz sahəsində investisiya layihələrinin birgə gerçəkləşdirilməsi;

- “yaşıl” energetikanın inkişafı kontekstində təcrübə mübadiləsi;

- Energetika bazarlarının tənzimlənməsi üzrə effektiv mexanizmlərin tətbiqi;

- Enerji effektivliyi və enerji qənaəti sahəsində əməkdaşlığın davam etdirilməsi.

İşçi qrupunun növbəti iclasının 2022-ci ildə keçirilməsi barədə razılıq əldə edilib.