“COP29 Azerbaijan”-ın uğurla başa çatması bütün dünya, xüsusən də Ukrayna üçün mühüm hadisə oldu. Sammitdə inkişaf etməkdə olan ölkələri dəstəkləmək üçün 2035-ci ilə qədər hər il 300 milyard dollar ayırmaq kimi iddialı bir iqlim hədəfi qəbul edildi. Bu vəsaitlər milli olaraq müəyyən edilmiş töhfələri, milli uyğunlaşma planlarını dəstəkləmək və iqlim dəyişikliyi ilə mübarizə üçün ambisiya səviyyəsini artırmaq və s. üçün təsir gödtərəcək. 

Paris Sazişinin 6-cı maddəsinə əsasən qəbul edilmiş qərarlar paketi bazar mexanizmləri üçün yeni imkanlar açır, kənd təsərrüfatı və təsirlərin yumşaldılması üzrə iş proqramlarının davam etdirilməsi isə innovativ iqlim həllərinin həyata keçirilməsi üçün perspektivlər yaradır. Qlobal uyğunlaşma məqsədinə doğru mühüm addım da atılıb, iqlim və gender üzrə iş proqramı növbəti 10 il üçün uzadılıb.

Bu Ukrayna üçün nə deməkdir? Ukrayna öz iqlim planlarını həyata keçirmək üçün, xüsusilə yaşıl enerji, iqlim dəyişikliyinə uyğunlaşma və yaşıl bərpa üçün maliyyə vəsaitinə çıxış əldə edəcək. Bu, xarici investisiyaları cəlb etmək və beynəlxalq dəstəyi gücləndirmək üçün mühüm şansdır.

COP29-da Ukrayna pavilyonu ölkəmizin sabitliyinin və dirçəlişinin simvolu oldu. Sammit zamanı pavilyon 50-dən çox tədbir keçirib, 7000-dən çox ziyarətçi cəlb edib və 30-dan çox ikitərəfli görüş təşkil edib. Onun fəaliyyəti yaşıl bərpa ideyalarının populyarlaşmasına və Ukraynaya dəstək üçün beynəlxalq tərəfdaşların cəlb edilməsinə, ilk növbədə, ayrıca tədbirin həsr olunduğu Prezident Volodımır Zelenskinin Sülh Formulasının müəyyən bəndlərinin həyata keçirilməsinə töhfə verdi.

Ukraynanın ətraf mühitin mühafizəsi və təbii sərvətlər naziri Svitlana Qrinçuk qeyd edib:

"Bakıdakı işin mühüm elementi müharibə və dağıntılara baxmayaraq, beynəlxalq tərəfdaşları "yaşıl" bərpaya cəlb etmək missiyasını yerinə yetirən Ukrayna pavilyonu oldu. Bu, COP29 bitəndən sonra da dünyanın Ukraynanın ətrafında birləşməsinin simvolu olacaq. 

BMT-nin Bakıda keçirilən İqlim Sammiti zamanı komandamızın işi əhəmiyyətli rəy aldı. Dünya mediasına 30-dan çox müsahibə, tərəfdaş ölkələr və beynəlxalq təşkilatlarla 30-dan çox ikitərəfli görüş, pavilyon çərçivəsində 50-dən çox tədbir, 1000-dən çox tədbir iştirakçısı, pavilyona 7000-dən çox ziyarətçi - bütün bunlar böyük bir təşkilatın əməyinin və əlaqələndirilmiş komandanın nəticəsidir”. 

Bu iqlim sammiti qlobal iqlim gündəliyinin fəal iştirakçısı kimi Ukraynanın inkişafında yeni mərhələ oldu.

Ukraynanın Səfiri Yuriy Husyev dəstəyə və COP29-un yüksək səviyyədə təşkilinə və keçirilməsinə görə Azərbaycan Respublikasına, eləcə də Ukraynaya göstərilən köməyə görə bütün tərəfdaşlara minnətdarlığını bildirib.

Foto - Ukraynanın Ətraf Mühitin Mühafizəsi və Təbii Sərvətlər Nazirliyi