“Son səfər və Qəbələdə liderlərimizin danışıqları zamanı göstərilən qonaqpərvərliyə görə həmkarıma təşəkkür etdim. Biz bu danışıqlar zamanı əldə olunmuş razılaşmaların həyata keçirilməsinə fokuslandıq və ikitərəfli əməkdaşlığımızın inkişafı üçün növbəti addımları müzakirə etdik.

Həmçinin regional təhlükəsizlik vəziyyəti və daha geniş beynəlxalq hadisələr barədə fikir mübadiləsi apardıq.

Ukrayna öz suverenliyi və ərazi bütövlüyünə ardıcıl dəstəyə, eləcə də xüsusilə enerji sektoru daxil olmaqla humanitar yardıma görə Azərbaycana minnətdardır.

Biz aktiv dialoqu davam etdirmək və əlaqələrimizi sürdürmək barədə razılığa gəldik,” – deyə Ukraynanın Xarici İşlər Nazirliyinin rəhbəri bildirib.