Bakıdakı Ukrayna Mərkəzi, Azərbaycan Respublikasındakı Ukrayna Səfirliyinin dəstəyi ilə fəaliyyət göstərən Koordinasiyaedici Könüllü Qərargah Ukraynanın Xarici İşlər naziri Andriy Sıbihanın təşəbbüsü ilə başladılan “Ukrayna üçün istilik (WarmthForUkraine)” adlı qlobal aksiyaya qoşulur.

Aksiyanın məqsədi Ukrayna üçün generatorların və istilik qurğularının alınması məqsədilə vəsait toplamaqdır.

Biz Azərbaycan Respublikasının ali rəhbərliyinə və xalqına Ukraynaya göstərilən dəstəyə və ötürülən enerji avadanlıqlarına görə səmimi minnətdarlığımızı bildiririk. Azərbaycanın və digər tərəfdaşların yardımı sayəsində (xüsusilə Polşada bir neçə gün ərzində laqeyd qalmayan insanlar və təşkilatlar tərəfindən Kiyev üçün generatorların alınması məqsədilə 4 milyon zlotidən çox vəsait toplanmışdır ki, bu da təxminən 2 milyon manata bərabərdir) Ukrayna Rusiya tərəfindən həyata keçirilən terror xarakterli hücumlardan sonra enerji sistemini bərpa edir və azadlığını, müstəqilliyini qorumaqda davam edir. Lakin düşmənin hər bir hücumundan sonra ehtiyaclar daha da artır. Bu çağırışa laqeyd qalmayan bütün insanları, müəssisə və təşkilatları dəstək göstərməyə dəvət edirik.

Bu yardım məhz indi son dərəcə vacibdir. Toplanan vəsait Ukraynada bu gün ən çox ehtiyacı olan insanlar üçün birbaşa generatorların, istilik vasitələrinin və digər enerji mənbələrinin alınmasına yönəldiləcək. Hər bir ianə ukraynalı ailələrin və uşaqların bu çətin dövrü keçməsinə kömək edən bir parça istilik və işıq deməkdir.

Bu, sadəcə ianələr haqqında deyil. Bu, birlik və dəstək hissi, Ukraynanın tək olmadığını dərk etmək haqqındadır. Bu, rusların qış terrorunun xalqımızı sındıra bilməyəcəyinə olan inamdır; qəddarlığa cavab isə Ukraynaya dəstəkdə qardaş xalqların və bütün dünyanın daha böyük gücü və birliyi olacaq — həm qlobal səviyyədə, həm də insan qəlbləri səviyyəsində.

Azərbaycan Respublikasına və Ukrayna xalqı ilə həmrəylik nümayiş etdirən bütün xeyriyyəçilərə səmimi təşəkkürümüzü bildiririk.

Yardımı Bakıdakı Ukrayna Mərkəzinə aşağıdakı ünvana təqdim etməyinizi xahiş edirik:

Bakı şəhəri, Xaqani küçəsi 123,Elektron poçt ünvanı: [email protected]

Əlaqə telefonları: +994 51 963 43 41; +994 10 236 17 19