Bir qədər əvvəl növbəti uşaq qrupu Bakıya gəlib. Bu dəfə onlar Dnepropetrovsk vilayətindən və Boyarka şəhərindəndirlər. Uşaqlar arasında Ukrayna müdafiəçilərinin, o cümlədən Rusiya əsirliyində olan və ya yaralanmış hərbçilərin övladları da var.

Uşaqları füsunkar Qəbələdə istirahət, sağlamlıqlarının bərpası və psixoloji dəstək gözləyir.

Genişmiqyaslı müharibənin başlanmasından bəri artıq 722 ukraynalı uşaq Azərbaycanda istirahət etmək və sağlamlıqlarını bərpa etmək imkanı əldə edib.

Ukraynanın Azərbaycandakı səfiri Yuriy Husyev qeyd edib:

“Azərbaycan Respublikasının rəhbərliyinə və Azərbaycan xalqına ukraynalı uşaqlara göstərdikləri həmrəyliyə, qayğıya, qonaqpərvərliyə və dəstəyə görə səmimi minnətdarlığımızı bildiririk. Bu, xalqlarımız arasında həqiqi dostluğun və Ukrayna-Azərbaycan strateji tərəfdaşlığının növbəti təzahürüdür”.

Ukraynalı uşaqlara uşaqlıq sevincini yenidən hiss etmək imkanı yaratdığı üçün Azərbaycana təşəkkür edirik!