Bunlar fəaliyyətdə olan hərbi qulluqçuların, həlak olmuş Qəhrəmanlarımızın, eləcə də hazırda Rusiya əsirliyində olan müdafiəçilərimizin övladlarıdır. Onlar vaxtlarını dağlar, bənzərsiz təbiət, qayğı və istiliklə əhatə olunmuş füsunkar Quba şəhərində keçirəcəklər.

Bu səfər Ukrayna xarici işlər naziri Andriy Sibiha və xanımı Tetiana Sibihanın təşəbbüsü, həmçinin Ukraynalı diplomatların həyat yoldaşları assosiasiyası ilə əməkdaşlıq çərçivəsində, səxavətli xeyriyyəçilərin və himayədarların dəstəyi ilə Səfirlik tərəfindən təşkil olunub.

Bakıda yerləşən Heydər Əliyev Beynəlxalq Hava Limanında uşaqları Ukraynanın Azərbaycan Respublikasındakı Səfirliyinin komandası, həmçinin Azərbaycan–Ukrayna parlamentlərarası əlaqələr üzrə İşçi qrupunun rəhbəri, Azərbaycan Milli Məclisinin deputatı Əlibala Məhərrəmzadə qarşılayıb.

Rusiyanın genişmiqyaslı işğalının başlanğıcından bu günədək artıq Ukraynadan olan 594 uşaq sağlamlıq və reabilitasiya proqramlarından keçib, eyni zamanda Azərbaycan qonaqpərvərliyini, dəstəyini və həmrəyliyini hiss edib.

Bu çətin dövrdə ukraynalı uşaqlara yardım edən Azərbaycan rəhbərliyinə və xalqına, bütün xeyriyyəçilərə, könüllülərə və himayədarlara səmimi təşəkkürümüzü bildiririk. Bu, xalqlarımız arasında insanlığın və dostluğun həqiqi təzahürüdür