Bu gün Ukraynanın səfiri Yuriy Husyev Azərbaycan Respublikasının Prezidentinin köməkçisi Hikmət Hacıyevlə işgüzar görüş keçirib.

Tərəflər 2025-ci ilin yekunlarını və yeni 2026-cı ildə ölkələrimiz arasında strateji tərəfdaşlığın daha da dərinləşdirilməsi istiqamətində atılacaq addımları müzakirə ediblər.

Görüş zamanı Ukraynanın səfiri Yuriy Husyev qardaş Azərbaycan tərəfindən Ukraynaya göstərilən dəyişməz və ardıcıl dəstəyə görə təşəkkür edib və qarşılıqlı dəstək, hörmət və etimada əsaslanan əməkdaşlığın birgə şəkildə möhkəmləndirildiyini vurğulayıb.