Bu gün Ukraynanın Səfiri Yuriy Husyev Azərbaycan Respublikasının xarici işlər nazirinin müavini, eyni zamanda GUAM üzrə Azərbaycanın milli koordinatoru olan Yalçın Rəfiyev ilə konstruktiv görüş keçirmişdir.

Görüş zamanı tərəflər ikitərəfli əməkdaşlığın aktual məsələlərini, həmçinin beynəlxalq təşkilatlar çərçivəsində qarşılıqlı fəaliyyəti müzakirə etmişlər.

Ukraynanın Səfiri Yuriy Husyev Azərbaycan tərəfinə Ukraynanın ərazi bütövlüyü və suverenliyinə ardıcıl dəstəyə, eləcə də Rusiya Federasiyasının genişmiqyaslı hərbi müdaxiləsinin ilk həftələrindən etibarən ölkəmizə göstərilən humanitar yardıma görə minnətdarlığını bildirmişdir.