Tədbirdə Azərbaycan Respublikasının Xarici İşlər Nazirliyinin nümayəndələri, Milli Məclisin deputatları, tərəfdaş ölkələrin səfirləri və diplomatik korpusun nümayəndələri, Ukrayna icması, Ukraynanın dostları və tərəfdaşları, həmçinin Mariupolun qəhrəman müdafiəçiləri — istirahət və reabilitasiya məqsədilə Azərbaycana gəlmiş keçmiş hərbi əsirlər iştirak edirdilər.

Bu gün bizimlə həmrəylik, dəstək və ortaq yaddaş içində olan hər kəsə səmimi təşəkkürümüzü bildiririk.

Ukraynanın səfiri Yuriy Husyev çıxışında iştirakçılara müraciət edərək, Ukrayna xalqının qəhrəmanlığını və sarsılmazlığını vurğuladı. O qeyd etdi ki, Ukrayna xalqı beynəlxalq tərəfdaşları ilə birlikdə Avropada və dünyada azadlıq və demokratiya dəyərlərini müdafiə edir. Səfir həmçinin Azərbaycan Respublikasının rəhbərliyinə və xalqına, eləcə də Ukraynanın ilk günlərdən etibarən aldığı dəstəyə görə bütün beynəlxalq tərəfdaşlara təşəkkürünü bildirdi. Bir dəqiqəlik sükutla şəhid qəhrəmanların və həlak olmuş mülki şəxslərin xatirəsi yad edildi.

Tədbir çərçivəsində Rusiyanın təcavüzünün dəhşətləri və cinayətləri haqqında bəhs edən “Ukraine Under Fire” sənədli filminin nümayişi keçirildi.

Həmçinin “MÜHARİBƏ NƏSLİ” adlı sərgi təqdim olundu — bu, Beynəlxalq Münasibətlərin İnkişafı Assosiasiyası (ADRUM – Association for the Development of International Relations) tərəfindən təşkil olunmuş “Müharibə nəsli” art-marafonunun seçilmiş əsərlər toplusudur.

Bu, müharibədən doğan, lakin ümid, güc və xeyirin şər üzərində qələbəsinə inamla dolu bir sənətdir.

Tədbir Səfirliyin yaxınlığındakı Memorial divar önünə gül qoyulması mərasimi ilə başa çatdı — Ukraynanın həlak olmuş müdafiəçilərinə və müharibənin günahsız qurbanlarına ehtiram əlaməti olaraq.

Həmin gün “Ukrainian Center in Baku”da və xristian məbədlərində Ukrayna üçün dualar oxundu.

Bu günlərdə biz yalnız 2022-ci ilin fevral faciələrini və 2014-cü ildə başlayan Rusiya təcavüzünü xatırlamırıq. Biz gələcəyə baxırıq. Ukrayna mübarizəni davam etdirir. Ukrayna bərpa olunur. Ukrayna islahatlar aparır. Ukrayna beynəlxalq tərəfdaşlıqları gücləndirir.

Və Ukrayna mütləq qalib gələcək — çünki o, həqiqəti, azadlığı və yaşamaq, inkişaf etmək hüququnu müdafiə edir. Mən əminəm ki, beynəlxalq həmrəylik nə qədər güclü olarsa, beynəlxalq hüququn prinsiplərini müdafiə edən dövlətlərin səyləri nə qədər fəal şəkildə birləşərsə, ədalətli və davamlı sülh bir o qədər tez bərqərar olacaq. Bir daha Azərbaycana göstərdiyi dəstəyə, dostluğa və ən çətin günlərdə uzatdığı qardaş kömək əlinə görə səmimi təşəkkürümü bildirirəm. Biz bunu yüksək qiymətləndiririk. Biz bunu unutmuruq. Və əminik ki, ölkələrimiz arasında strateji tərəfdaşlığın genişlənməsi, uğurlu və qarşılıqlı faydalı əməkdaşlıq və qarşılıqlı etimada, hörmətə, xalqlarımızın ortaq sülh və firavan gələcəyinə əsaslanan həqiqi dostluğun yeni səhifələri hələ qarşıdadır.