Nizami Gəncəvi Beynəlxalq Mərkəzinin təşkilatçılığı ilə keçirilən tədbirdə indiki və keçmiş dövlət və hökumət başçıları, ekspertlər və beynəlxalq təşkilatların nümayəndələri iştirak edirlər.

Forumun təntənəli açılışı Azərbaycan Respublikasının Prezidenti İlham Əliyevin iştirakı ilə baş tutub.

Tədbirin birinci paneli rusiyanın Ukraynaya qarşı genişmiqyaslı hərbi təcavüzünə həsr olunub. Ukrayna Prezidenti (2005-2010-cu illər) V. Yuşenko ilə birgə müzakirədə Latviya Respublikasının Prezidenti E.Levits, İsveçrənin, Sloveniyanın və Latviyanın keçmiş prezidentləri müvafiq olaraq M.Kalmi-Rei, B.Pahor və V.Vike-Freyberqa, eləcə də Slovakiyanın və Norveçin keçmiş baş nazirləri İ.Radiçova və K.M.Bondevik, həmçinin Robert F.Kennedi İnsan Haqları Mərkəzinin prezidenti - Keri Kennedi iştirak  etmişlər.