20 fevral tarixində Azərbaycan Respublikasına işgüzar səfəri çərçivəsində Ukraynanın xarici işlər nazirinin müavini Oleksandr Mişenko və Ukraynanın Səfiri Yuriy Husyev  Azərbaycan Respublikasının Xarici işlər naziri Ceyhun Bayramov və Prezidentin köməkçisi – Azərbaycan Prezident Administrasiyasının xarici siyasət şöbəsinin rəhbəri Hikmət Hacıyev ilə görüşlər keçirdilər.

Həmçinin, Azərbaycan Respublikası xarici işlər nazirinin müavini Samir Şərifov ilə səmərəli siyasi məsləhətləşmələr aparıldı. Görüş zamanı aşağıdakı məsələlər müzakirə edildi:

- İkitərəfli əməkdaşlıq;

- Regional və enerji təhlükəsizliyi məsələləri;

- Beynəlxalq təşkilatlar, xüsusilə GUAM çərçivəsində əməkdaşlıq;

- Azərbaycan Respublikası Xarici İşlər Nazirliyi yanında ADA Universitetinin Diplomatiya Akademiyası bazasında Ukrayna diplomatlarının hazırlanması.

Azərbaycan Ukraynanı dəstəkləməyə davam edir. Rusiyanın Ukraynaya qarşı genişmiqyaslı işğalının üçüncü ildönümü ərəfəsində ölkəmiz növbəti humanitar yardımı – 1 milyon ABŞ dolları dəyərində transformatorlar və elektrotexniki avadanlıq aldı. Bu yardım Azərbaycan Prezidenti İlham Əliyevin xüsusi qərarı əsasında təqdim edilib.

Azərbaycan müharibənin ilk günlərindən etibarən Ukrayna ilə həmrəyliyini nümayiş etdirir. Artıq 26 fevral 2022-ci ildə üç yük təyyarəsi humanitar yardım ilə Polşa-Ukrayna sərhədinə çatdırılmışdır.

Ukraynanın xarici işlər nazirinin müavini və Ukraynanın səfiri Azərbaycanın rəhbərliyinə və xalqına Ukraynanın suverenliyinə və ərazi bütövlüyünə göstərilən sarsılmaz dəstəyə, eləcə də humanitar yardıma görə təşəkkür etdilər. Beynəlxalq ictimaiyyətlə birlikdə biz ədalətli sülhə nail ola biləcəyik!

Ukrayna xarici işlər nazirinin müavini Oleksandr Mişenkonun Bakıya səfəri uğurla başa çatdı.

Birlikdə qələbəyə doğru!