Yarım ildir ki, Ukraynanın Azərbaycan Respublikasındakı Səfirliyi “Vışıvankada doğulanlar” adlı ümumdünya Ukrayna aksiyasına qoşulub. Bu müddət ərzində Səfirlik valideynləri ilə birgə bir çox kiçik Ukrayna vətəndaşını təbrik etmişdir, onlara ilk rəsmi sənədləri ilə birgə simvolik hədiyyə - Ukraynanın milli naxışlı köynəkləri (vışıvanka) də təqdim olundu. 

Ukrayna inanclarına görə, bir insana bədnəzər və pisliklər toxunmursa, onun üçün “köynəkdə doğulub” deyirlər. Bu təəccüblü deyil, çünki Ukraynanın genetik kodunu əks etdirən vışıvanka möcüzəvi gücə malikdir və bütün pisliklərdən qoruyur. 

Əminik ki, Azərbaycanın vışıvankada doğulmuş kiçik Ukraynalıları həm Səfirliyin konsulluğunun müdafiəsi altında olacaq, həm də onları Ukraynanın ayrılmaz rəmzi olan şəxsi milli tilsim - vışıvanka da qoruyacaq.