20 avqust 2020-ci il tarixində Ukrayna Ali Radasının Azərbaycanla parlamentlərarası əlaqələr üzrə Deputat qrupunun və Milli Məclisin Azərbaycan-Ukrayna parlamentlərarası əlaqələr üzrə İşçi qrupunun nümayəndələri arasında görüş baş tutub (video-konfrans formatında).
Tədbir zamanı tərəflər parlamentlərarası əlaqələrin genişlənməsi, iqtisadi, mədəni, humanitar, sosial və təhsil sahələrində münasibətlərin aktivləşdirilməsi yolları, regional münaqişələrin tənzimlənməsi, koronavirus pandemiyası ilə mübarizə və digər aktual məsələlərə dair fikir mübadiləsi aparıblar.
Hər iki dövlətin Parlamentləri arasında həm ikitərəfli, həm də beynəlxalq səviyyədə əməkdaşlığının gələcək inkişafı barədə razılıq əldə edilmişdir ki, bu da Ukrayna və Azərbaycan arasında səmərəli münasibətlərin ümumi inkişafına təsir edəcəkdir.