Keçən həftə Ukraynanın səfiri Yuriy Husyev Şəki şəhərinə səfər etmiş və Şəki Rayon İcra Hakimiyyətinin başçısı cənab Elxan Usubov ilə görüş keçirmişdir.

Görüş zamanı tərəflər Ukrayna ilə Azərbaycan arasında regionlararası əməkdaşlığın inkişaf perspektivlərini müzakirə etmişlər. Xüsusilə, Jmerinka və Şəki şəhərləri arasında tərəfdaşlıq əlaqələrinin bərpası və fəallaşdırılması imkanları, həmçinin Azərbaycan tərəfinin Lvov şəhəri ilə regionlararası əməkdaşlığın qurulmasında maraqlı olması məsələləri diqqət mərkəzində olmuşdur.

Əməkdaşlığın dərinləşdirilməsi istiqamətində praktiki addımlara, iqtisadi və biznes sahəsində əməkdaşlığın inkişafına, eləcə də mədəniyyət və turizm sahələrində birgə təşəbbüslərin həyata keçirilməsinə ayrıca diqqət yetirilmişdir.

Ukraynanın səfiri Yuriy Husyev Azərbaycan Respublikasının rəhbərliyi və xalqı tərəfindən Ukraynaya göstərilən dəstəyə görə təşəkkür etmiş və regionlararası səviyyədə praktiki əməkdaşlığın inkişaf etdirilməsi və dərinləşdirilməsində maraqlı olduğunu təsdiqləmişdir.