«Cənab Prezidenti və bütün Azərbaycan xalqını Prezident Trampın vasitəçiliyi ilə Ermənistanla əldə olunmuş uzunmüddətli sülh və Cənubi Qafqaz regionunda etibarlı təhlükəsizlik naminə razılaşmalar münasibətilə təbrik etdim. Dünya Vaşinqtonda keçirilən üçtərəfli görüşü son dərəcə müsbət qarşıladı. Ümid edirik ki, hər şey işlək olacaq.

Cənab Prezidentə tərəfdaşlarımızla təmaslarımız barədə məlumat verdim. Hamı müharibənin həqiqi bitməsi və effektiv diplomatiya üçün eyni mövqedədir. Birləşmiş Ştatlar, Avropa ölkələri ilə kommunikasiya, sülhə yaxınlaşdıra biləcək əsas prinsipləri müzakirə etdik. Xalqımıza və dövlətçiliyimizə göstərilən dəstəyə görə minnətdaram. Dünyanın birgə səylərinin Rusiyanı hərbi əməliyyatları və aqressiyanı dayandırmağa məcbur etməsi vacibdir.

Azərbaycanla enerji əməkdaşlığımızı da müzakirə etdik. Əhəmiyyətli nailiyyətlər əldə olunub. Razılaşdıq ki, bununla kifayətlənməyəcəyik və imkanlarımızın genişləndirilməsi üzərində işləməyə davam edəcəyik. Enerji obyektlərimizə qarşı Rusiya zərbələri barədə məlumat verdim. Ukrayna bunu Rusiyanın bizə və digər Avropa ölkələrinə enerji müstəqilliyini təmin edən enerji yollarını bloklamağa yönəlmiş məqsədyönlü cəhdi hesab edir. Ölkəmizin və xalqımızın müdafiəsi üçün əlimizdən gələni edirik», – deyə Ukrayna Prezidenti Volodimir Zelenski vurğulayıb.

Foto: Ukrayna Prezidentinin Ofisi.