Bu gün, 19 noyabr 2025-ci ildə Ternopolda baş vermiş dəhşətli rus terror hücumu nəticəsində həlak olanlar üçün matəm əlaməti olaraq, Ukraynanın Azərbaycan Respublikasındakı Səfirliyi Ukrayna Xarici İşlər Nazirliyinin tapşırığı ilə Elektron Matəm Kitabını açır.

Başsağlığı vermək üçün aşağıdakı ünvana məktub göndərmək olar: [email protected].

Rəsmi məlumata görə, Ternopolda azı 25 nəfər, o cümlədən 3 uşaq həlak olub. Daha 73 nəfər, onların arasında 15 uşaq yaralanıb.

Ukrayna beynəlxalq ictimaiyyəti bu növbəti rus terror aktını qətiyyətlə pisləməyə, ədalətin təmin olunmasına və adekvat cavab tədbirlərinə çağırır. Bu məsələ bu gün BMT Təhlükəsizlik Şurasının iclasında müzakirəyə çıxarılacaq, həmçinin ATƏT Daimi Şurasının iclasında da baxılması gözlənilir.

Həlak olanların ailələrinə və yaxınlarına dərin hüznlə başsağlığı veririk. Ukrayna hava hücumundan müdafiəni gücləndirmək və vətəndaşlarımızın müdafiəsini təmin etmək üçün tərəfdaşlarla birgə işi davam etdirəcək.