(Ukrayna Xarici İşlər Naziri D.Kulebanın onlayn-brifinqindən, 30 sentyabr 2020-ci il)

Brifinqin linki: https://www.facebook.com/watch/?v=339433314059025 

 «… Biz hamımız Dağlıq Qarabağdakı hadisələrin inkişafını müşahidə edirik... Ukrayna Xarici İşlər Nazirliyi vəziyyətin kəskinləşməsi ilə bağlı mövqeyini ilk bildirənlərdən biri oldu. Bu hadisələri izləməyə davam edirik, koordinasiya olunmuş mövqeyə sahib olmaq üçün tərəfdaşlarla danışıqlar aparırıq...

Azərbaycan Xarici İşlər Naziri ilə telefon danışığımız olub. Mövqeyimiz çox aydındır: müharibə hər zaman kədər, qurbanlar, məhv deməkdir. Hal-hazırda Qafqazda bu kimi hadisələrin baş verdiyi üçün çox təəssüflənirik.

Mövcud vəziyyət fəsahətlə göstərir ki, "dondurulmuş münaqişələr" həqiqətən dondurulmayıb və hər an püskürə bilər. Bunlar Avropadakı qeyri-sabitlik ocaqlarıdır və beynəlxalq ictimaiyyət onların nizamlanmasına müvafiq qaydada yanaşmalı... bunun üçün ardıcıl və sistematik səy göstərməlidir.

… Ukraynanın xarici siyasətinin təməl daşlarından biri dövlətlərin ərazi bütövlüyünü dəstəkləməkdir. Azərbaycan beynəlxalq səviyyədə tanınmış sərhədlər daxilində ərazi bütövlüyümüzü dəstəklədiyi kimi, biz də Azərbaycanın ərazi bütövlüyünü davamlı olaraq dəstəklədik. Bu prinsip bizim üçün tamamilə dəyişməz olaraq qalır.