Ukrayna ilə Azərbaycan arasında gözəl mədəni mübadilə ənənəsi davam edir. 2021-ci il dekabrın 1-də Axundov adına Milli Kitabxanada görkəmli ukraynalı şairə Lesya Ukrainkanın Azərbaycan Dövlət Tərcümə Mərkəzi tərəfindən Azərbaycan dilinə tərcümə edilmiş dünya şöhrətli əsəri - “Meşə nəğməsi”nin təqdimatı keçirilib. Ukrayna ədəbiyyatı xəzinəsinin Azərbaycanda təqdimatı ölkələrimiz arasında mədəni əlaqələrin inkişafına təkan verən birgə layihələrin həyata keçirilməsində növbəti mərhələ oldu.