Dekabrın 6-da Ukraynanın Azərbaycan Respublikasındakı Səfirliyində Ukrayna Silahlı Qüvvələrinin 30 illiyinə həsr olunmuş “Biz haradayıqsa – Ukrayna oradadır” adlı fotosərgi açıldı.

Ekspozisiyada əksəriyyəti məşhur hərbi fotoqraf, könüllü və pilot Dmıtro Muravskiyə məxsus ukraynalı fotojurnalistlərin 70 fotosu yer alıb.

Fotolar təkcə formalaşma dövrünü deyil, Rusiyanın Ukraynaya qarşı davam edən müharibəsi fonunda ölkəmizin müstəqilliyinin əsl qarantı və Avropanın müdafiəsi üçün sipərinə çevrilmiş Ukrayna Silahlı Qüvvələrinin indiki vəziyyətini də əhatə edir. 

Fotoekspozisiya həm də fəaliyyəti Ukrayna ordusunun müasir silah və texnika ilə təchiz edilməsinə yönəlmiş daxili müdafiə-sənaye kompleksinin güclü imkanlarını nümayiş etdirir.

Sərginin mühüm elementi 2014-2021-ci illər ərzində ölkəmizin şərq hissəsində - Luqansk və Donetsk vilayətlərində çəkilmiş fotoşəkillər idi. Bu fotoşəkillər Rusiyanın silahlı təcavüzünün tərkib hissəsi olan müharibənin dağıntıları və dəhşətlərini əks etdirir.

Eyni zamanda, bu fotoşəkillər Ukraynanın müstəqilliyinin, suverenliyinin, ərazi bütövlüyünün və onlarla birlikdə hər bir ukraynalının dinc həyatının Ukrayna Silahlı Qüvvələrinin etibarlı mühafizəsi altında olduğuna inamı ifadə edir.

Tezliklə "Biz haradayıqsa – Ukrayna oradadır" fotosərgisi qonaqpərvər Ukrayna Mərkəzinə köçürüləcək. Mərkəz hər kəsi sərgini ziyarətə dəvət edəcək ki, hər kəs bizim müstəqilliyimizin və Ukraynanın gələcəyinin zəmanəti olan müasir Ukrayna ordusunun formalaşmasını və gücünü öz gözü ilə görə bilsin!