Ukrayna Prezidenti Volodimir Zelenski Münhen Təhlükəsizlik Konfransı çərçivəsində Azərbaycan Respublikasının Prezidenti İlham Əliyevlə görüşüb.

Ukrayna dövlətinin başçısı həmsöhbətini bu yaxınlarda keçirilmiş növbədənkənar Azərbaycan Prezidenti seçkilərində qazandığı qələbə münasibətilə təbrik edib, Ukrayna-Azərbaycan münasibətlərinin daha da möhkəmlənəcəyinə əminliyini bildirib.

"Biz dövlətlərimiz və cəmiyyətlərimiz arasındakı isti münasibətləri yüksək qiymətləndiririk", - Volodimir Zelenski bildirib.

Prezidentlər hər iki dövlətin suverenliyi və ərazi bütövlüyünün daim qarşılıqlı şəkildə dəstəkləndiyini vurğuladılar.

Görüş zamanı liderlər ticarət-iqtisadiyyat, enerji, humanitar və digər sahələrdə ikitərəfli əməkdaşlığı müzakirə ediblər.

Volodimir Zelenski Ukraynanın enerji sisteminin etibarlı fəaliyyətinin təmin edilməsində Azərbaycanın yardımını qeyd edib.

O, ayrıca İrpen şəhərinin yenidən qurulması layihələrinin həyata keçirilməsinə görə İlham Əliyevə təşəkkür edib və Azərbaycanın Ukraynanın iqtisadiyyatının dirçəlməsinə bundan sonra da töhfə verəcəyinə ümid etdiyini bildirib.

Liderlər mümkün birgə iqtisadi, o cümlədən enerji sektoruna dair layihələri müzakirə ediblər. Xüsusilə, söhbət Ukraynanın qaz anbarlarından mümkün istifadədən gedirdi.

Həmsöhbətlər gələcək birgə səyləri əlaqələndirdilər. Volodimir Zelenski İlham Əliyevə İsveçrədə keçiriləcək Qlobal Sülh Sammitinə hazırlıq barədə danışıb.