Mayın 1-dən 3-dək Bakıda “Sülh və qlobal təhlükəsizlik naminə dialoq: əməkdaşlıq və qarşılıqlı əlaqə” mövzusunda VI Ümumdünya Mədəniyyətlərarası Dialoq Forumu keçirilib. “Bakı Prosesi”nin tərkib hissəsi olan bu forum Azərbaycan Respublikasının Mədəniyyət Nazirliyi, İslam Dünyası Təhsil, Elm və Mədəniyyət Təşkilatı (İSESCO) Birləşmiş Millətlər Təşkilatının Sivilizasiyalar Alyansı (UNAOC) ilə birgə, YUNESKO və Ümumdünya Turizm Təşkilatı tərəfindən təşkil olunmuşdur. 

Forumun işində Ali Radanın sədr müavini Olena Kondratyukun başçılıq etdiyi Ukrayna Ali Radasının nümayəndə heyəti, o cümlədən Ukraynanın Azərbaycan Respublikasındakı fövqəladə və səlahiyyətli səfiri Yuri Husyev iştirak ediblər.

Ümumdünya Forumu çərçivəsində keçirilən çıxışlar və görüşlər zamanı Ukrayna nümayəndələri tədbir iştirakçılarına Rusiyanın silahlı təcavüzünün dəhşətli humanitar nəticələri, habelə Ukraynada Rusiya Federasiyası tərəfindən başladılmış müharibənin təcavüzkar ölkənin bütün beynəlxalq hüquq normalarını və BMT Nizamnaməsini həyasızcasına pozduğunu nümayiş etdirdiyi barədə danışıblar. İyunun 15-16-da İsveçrədə baş tutacaq Qlobal Liderlər Sammitinin mövzusu olan sülh üçün dünyanın bütün qüvvələrini birləşdirməsinə ehtiyac olduğu vurğulanıb. Forum iştirakçıları və dövlət liderləri Qlobal Sülh Sammitini dəstəkləməyə və Prezident Volodimir Zelenskinin Sülh Formulasının həyata keçirilməsinə qoşulmağa çağırılıb.

VI Ümumdünya Mədəniyyətlərarası Dialoq Forumunda 110-dan çox ölkənin nümayəndəsi iştirak edib.